Punjab Bolda Television news website
ਗੁਰਸ਼ਰਨ ਸੰਧੂ
ਆਨੰਦਪੁਰ ਸਾਹਿਬ 8 ਮਾਰਚ
ਸਿੱਖ ਧਰਮ ਦੇ ਸਰਵਉੱਚ ਅਸਥਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਅੱਜ ਇੱਥੇ ਹੋਲਾ ਮੁਹੱਲਾ ਮਨਾਉਣ ਆਏ ਸਿੱਖ ਆਗੂਆਂ ਦੇ ਭਾਰੀ ਇਕੱਠ ਦੇ ਸਾਹਮਣੇ ਭਾਰਤੀ ਪਾਰਲੀਮੈਂਟ ‘ਤੇ ਧਮਾਕੇਦਾਰ ਬਿਆਨ ਦਿੱਤਾ ਹੈ।
ਇਸ ਮੌਕੇ ਸੰਬੋਧਨ ਕਰਦਿਆਂ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਨੇ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ’ਤੇ ਕੇਂਦਰ ਸਰਕਾਰ ’ਤੇ ਨਿਸ਼ਾਨਾ ਸਾਧਿਆ।
ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਸ਼੍ਰੋਮਣੀ ਕਮੇਟੀ ਨੂੰ ਦੋ ਹਿੱਸਿਆਂ ਵਿੱਚ ਵੰਡਿਆ ਗਿਆ ਹੈ, ਉਸੇ ਤਰ੍ਹਾਂ ਅਕਾਲ ਪੁਰਖ ਪਾਰਲੀਮੈਂਟ ਨੂੰ ਵੀ ਕਈ ਹਿੱਸਿਆਂ ਵਿੱਚ ਵੰਡ ਦੇਵੇਗਾ।
ਜਥੇਦਾਰ ਨੇ ਕਿਹਾ, “ਸਿੱਖ ਪਾਰਲੀਮੈਂਟ (ਐਸਜੀਪੀਸੀ) ਦੇ ਭੰਗ ਹੋਣ ਤੋਂ ਬਾਅਦ, ਖਾਲਸੇ ਦੇ ਸਰਾਪ ਕਾਰਨ ਭਾਰਤੀ ਪਾਰਲੀਮੈਂਟ ਵੀ ਵੰਡੀ ਜਾਵੇਗੀ।”
ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਹਰਿਆਣਾ ਦੇ ਗੁਰਦੁਆਰਿਆਂ ਦਾ ਪ੍ਰਬੰਧ ਸਿੱਖਾਂ ਨੇ ਨਹੀਂ ਸਗੋਂ ਸਰਕਾਰ ਸੰਭਾਲ ਰਹੀ ਹੈ।
ਉਨ੍ਹਾਂ ਅੱਗੇ ਕਿਹਾ ਕਿ ਭਾਵੇਂ ਭਾਰਤ ਆਜ਼ਾਦ ਹੈ, ਸਿੱਖਾਂ ਨੂੰ ਅਜੇ ਆਜ਼ਾਦੀ ਨਹੀਂ ਮਿਲੀ ਹੈ।
“ਸਾਡੀਆਂ ਸੰਸਥਾਵਾਂ ਖਿਲਾਫ ਹੋ ਰਹੇ ਭੈੜੇ ਪ੍ਰਚਾਰ ਕਾਰਨ ਸਾਡੇ ਨੌਜਵਾਨ ਦਿਸ਼ਾਹੀਣ ਹੋ ਗਏ ਹਨ। ਸ਼ੋਸ਼ਲ ਮੀਡੀਆ ‘ਤੇ ਸਾਡੀ ਸੰਸਥਾ ਖਿਲਾਫ ਨਾਂਹ-ਪੱਖੀ ਬਿਆਨਬਾਜ਼ੀ ਚੱਲ ਰਹੀ ਹੈ। ਸ਼੍ਰੋਮਣੀ ਕਮੇਟੀ ਸਿੱਖ ਕੌਮ ਦੀ ਰੀੜ ਦੀ ਹੱਡੀ ਸੀ। ਸਰਕਾਰ ਜਾਣਦੀ ਹੈ ਕਿ ਕਿਸਾਨ ਮੋਰਚੇ ਨੂੰ ਸਭ ਤੋਂ ਵੱਡਾ ਸਮਰਥਨ ਸਿੱਖ ਗੁਰਦੁਆਰਾ ਲੰਗਰਾਂ ਨੇ ਦਿੱਤਾ ਸੀ। ਦਿੱਲੀ ਵਿੱਚ, ”ਉਸਨੇ ਅੱਗੇ ਕਿਹਾ।
